... Allt og ekkert

2003-08-22T13:14:00.000-07:00

hmmm jæja þá er tími til kominn að fara að hella mér út í þessa vitleysu aftur, bloggið. Einhverjir halda kannski að ég hafi ætlað að láta þetta enda sem bloggminj eins og Ausa litla en svo er ekki. Ég er bara búin að vera að snúast í öðru í sumar eins og að vinna o.þ.hl. en nú er komið haust og ég fer að hætta að vinna svo að -megi ég blogga sem aldrei fyrr. Ari hérna færðu linkinn þinn og talandi um væmni, þá ættiru að taka ,,nótis" á bjálkanum áður en þú ferð að einblýna á flísina! (Sjá bloggið, heimasíðuna hans Ara ...)

2003-06-13T20:15:00.000-07:00

Jæja þá er langt um liðið ... Ég hef ekki bloggað í meira en viku og það er vegna langrar dvalar minnar í Flatey á Breiðafirði. Það var yndislegt að koma þangað og hitta alla ættingjana mína og dvelja í sumarhúsi sem fjölskylda mín á þar og er margar sumarnætur. Ég sakna engu að síður Finns, hann er bestur í heimi og ég veit ekki hvar ég væri án hans niður komin. Allaveganna Finnur, takk fyrir að vera til, ég elska þig!

2003-06-02T08:56:00.000-07:00

Almenn hamingja í loftinu bara enskan eftir, hún hefur nú ekki vafist fyrir mörgum ... (Og einkunnirnar :S). Eftir síðasta prófið er svo hið árlega Ýdaladjamm, Flatey og svo bara hamingja!

Þungu fargi er af mér létt og þess vegna svíf ég um í algleymingi (svefngalsi á að sjálfsögðu stóran þátt í þessu ástandi ...) Það er ávallt gaman að vaka til 7 á morgnanna og lifa á medjikki (magic (R)) og kaffi og sofa svo í 4 tíma fyrir próf.

Mér gekk að vísu mjög vel í prófinu og stefni ágætlega hátt ... (8 eða?)

Meira seinna ...

2003-06-02T08:51:00.000-07:00

Í dag er hinni eiginlegu próftörn lokið hjá mér! Það er frábært að geta tekið lífinu með ró og hætta að stressa sig yfir skólanum í bili (þangað til að einkunnirnar koma :S). Það ætti nú að bjargast ef ég þekki þetta rétt ... Annars er ekkert nema eintóm gleði framundan, Ýdalir, Flatey og Akureyri ... Yndislegheit í alla staði. Ég verð bara að koma því á framfæri að alvöru hamingja er þess virði að bíða lengi eftir!

2003-05-31T15:46:00.000-07:00

Jæja þá er aðal ,,törnin" búin, það er æðislegt. Ég er orðin svo þreytt á þessu, það verður svo ljúft að þurfa ekki að gera neitt. Ég elska að mega gera ekki neitt, án þess að þurfa að vera með samviskubit yfir því. Svo verður líka ágætt að byrja að vinna, það er nauðsynlegt til þess að fá ekki aumingja-stimpilinn á sig (ekki meira en venjulega).

2003-05-27T08:09:00.000-07:00

Bara allt búið að vera brjálað að gera og ég er algjörlega búin að vera að vanrækja aumingja bloggið mitt ... Það er ekki sniðugt! Ég er bara búin að vera að læra eins og moðerfokker! Það skal bæta, sérstaklega þar sem ég er búin með STÆ prófið ... Meira seinna, eftir smá viðbót í þýskuna hjá mér.

2003-05-18T13:46:00.000-07:00

Vó ég var að skrolla yfir síðuna mína og það er allt út í þessum helvítis prófum, hér með er ég í prófabanni þangað til eftir viku eða svo ...

2003-05-18T13:44:00.000-07:00

haha doldið sniðugt próf ...

Þú ert sterklega á móti núverandi ríkisstjórn, á móti NATO, á móti virkjunum. Þú hefur hugsjónir, og því kýstu Vinstri Græna. (Verst að þeir eru soddan kommar)

Hvað kýst þú?

2003-05-18T13:22:00.000-07:00

Í dag er grámyglulegur sunnudagur og ég þarf að fara að læra. Ég persónulega þoli ekki sunnudaga vegna þess að þá þarf maður að horfast í augu við nýja viku fulla af stressi og brjálæði. Ég veit ekki hvort það er bara eitthvað rugl í mér en mér finnst eins og það sé alltaf eins veður á sunnudögum. Annað hvort sólskin, en samt svoldið grátt eða bara skítviðri og rigning. Sunnudagar eru þunglyndisdagar og munu lílega alltaf vera það ... Samt sem áður er þetta með betri sunnudögum af því að skólinn fer að klárast, þetta sumarfrí sem fer að ganga í garð hefur aldrei verið eins langþráð eins og akkurat núna. Sennilega vegna þess að allir aðrir eru búnir í skólanum, nema við MA-ingarnir. Nú er það eina sem er framundan bara stanslaus prófalestur og brjálæði. Ég vona að það gangi allt að óskum.

2003-05-17T13:38:00.000-07:00

Ég fór á Matrix Reloaded í gær. Vá hvað það var flott mynd! Ég var alls ekki fyrir vonbrigðum með hana. Að vísu fannst mér hún ekki alveg ná því að vera eins góð og fyrri myndin en annars var hún bara hreint út sagt frábær. Þar með get ég sagt að ég mæli eindregið með henni. Ég er orðin svooo stressuð fyrir þessi helvítis próf að það hálfa væri bara ágætt ... Ég veit ekki hvort ég mun ná stærðfræðinni. Það verður bara að koma í ljós.

2003-05-15T13:19:00.000-07:00

Nýjasti bloggarinn í bloggheiminum er hún Zoe ... Það eru góðar viðbætur og nytsamlegar! Lengi lifi bloggið hennar!

2003-05-14T10:55:00.000-07:00

ha?
ég? Tvíklofinn persónuleiki?? (félagsfræðinemi ...)

Sjáðu hvaða týpa þú ert

2003-05-14T10:47:00.000-07:00

Týpískt!
Auðvitað er ég læknaneminn (sem klárar mjög seint) ...

Sjáðu hvaða týpa þú ert

2003-05-12T13:41:00.000-07:00

Tími til kominn
Mér finnst kominn tími til þess að ég láti á það reyna aftur að fara að blogga, ég veit þó ekki hvort að ég hafi neitt meira að segja en áður en það verður bara að koma í ljós. En svo að ég segi nú eitthvað um sjálfa mig þá heiti ég Auður og finnst eitt af því besta í heiminum að sofa!